“Xalqımıza xeyir vermək üçün əlimdən gələni edəcəm” - Əsgər Cəfərzadə FİFA lisenziyası aldı
Bir müddət öncə futbol agentlərinin FİFA lisenziyası alması üçün imtahan təşkil olundu.
Ölkəmizdən də çoxlu şəxs bu prosesdə iştirak etdi. Onlardan biri Beynəlxalq İdman Hüquqşünasları Assosiasiyasının üzvü Əsgər Cəfərzadə idi. Tanınmış idman vəkili imtahanda uğurlu çıxış edərək FİFA lisenziyasına sahib olub.
Dünən qurum tərəfindən Əsgər bəyə lisenziya göndərilib. Tanınmış vəkil FİFA agenti olması ilə bağlı "football-plus.az"a açıqlamasında bunları söylədi:
"Sevindirici məqamdı. Xalqımıza xeyir vermək üçün əlimdən gələni edəcəm. Azərbaycan futbolunun istedadlarını ölkə xaricinə çıxarmağa çalışacam. Görüləcək işlərimiz qarşıdadı. İmtahanda uğurlu nəticə əldə etməklə iş bitmir. Ölkəmizdə uşaq və qadın futbolunun inkişafı ilə bağlı da səylər göstərəcəm. Uğurlu strategiya hazırlayaraq işlər görməyə çalışacam".
ORXAN
Digər xəbərlər
