“Səbail” Misli premyer-liqasının 25-ci turunda evdə “Şamaxı”ya məğlub oldu - 0:2.

“Football-plus.az” meydan sahiblərinin baş məşqçisi Cavid Hüseynov oyunsonrası mətbuat konfransından hesabatı təqdim edir.

- Bizim üçün vacib oyun idi. Xal fərqi də yaxın olduğuna görə hər komanda qələbə qazanmaq istəyir. İlk hissədə yaxşı hücumlar qurduq. İkinci hissədə oyuna nəzarəti itirdik, rəqib bütün komponentlərdə bizi üstələdi. Qarşıda çox tur var. Xal fərqini artırmaq istəyirik.

- “Qarabağ”la kubok matçı bu oyuna nə dərəcədə təsir etdi?
- Yorğunluğun təsiri var. Heyətdə olan futbolçularımız oruc tutmuşdu. Bu bəhanə deyil. Kubok bizə heç bir halda sərf etmirdi. Biz oyunu necə olur-olsun, keçirməliydik.

- Premyer-liqada baş məşqçi kimi “Şamaxı”da debüt etmişdiz. “Şamaxı” 1-ci liqaya düşdü. İndi yenə sonuncu pillədəsiz. “Səbail”in 1-ci liqaya düşmək təhlükəsi sizi nə dərəcədə narahat edir?
- Nədən olduğunu bilmirəm. Bəzən səthi yanaşırsız bu işlərə. Detallara girmirsiz, üzdən baxırsız. Mən olan dövrdəki “Şamaxı”nın inkşafı ön plana çıxırdı. Burda da düşmək ehtimalı var. Komanda futbol oynamağı bacarır. Futbolçuların performası bu gün yaxşı səviyyədə deyildi.

- Növbəti matça komandanı kökləmək üzərində işləyəcəksizmi?
- Futbolçuları “Zirə” ilə oyuna kökləmək asan olmayacaq.

- Hesab 0:2 olanda müdafiəçini müdafiəçi ilə dəyişdiz…
- Marko Nikoliçi ona görə meydana buraxdıq ki, standart vəziyyətlərdə yaxşı oynamağı bacarır. Həm də uzun ötürmələrlə hücuma çıxmaqda köməyi dəyə bilərdi.

ƏSƏD SEYİDOV