Babeldən Türkiyə futbolu ilə bağlı qalmaqallı etiraf - FOTO
Karyerasını ötən ilin noyabrında başa vuran Rayan Babel ''Çelsi''nin sabiq üzvü Con Obi Mikel ilə birlikdə qatıldığı ''The Obi One Podcast''da Türkiyə futbolu ilə bağlı maraqlı və gündəmə düşəcək ifadələr işlədib.
''Football-plus.az'' xəbər verir ki, Babel Türkiyədə 4 fərqli klubun - ''Kasımpaşa'', ''Beşiktaş'', ''Qalatasaray'' və ''Eyüpspor''un şərəfini qoruyub. 38 yaşlı Babel Türkiyədə oynadığı dönəm ilə bağlı bunları deyib: ''Türkiyədə 4 fərqli klubda ümumilikdə 10 il çıxış etmişəm. Bunlardan ikisi kiçik, ikisi də böyük klub idi.
Xüsusilə ''Qalatasaray''da oynadığım dönəmdə bəzən qalib gəldiyimiz matçdan sonra ''bu gün həqiqətən də şanslı idik, çünki hakim bizə yardım etdi'' deyə düşündüyüm anlar olurdu''. Babelin bu sözündən sonra Obi Mikel ''Fənərbaxça''nın baş məşqçisi Joze Mourinyonun bu mövsüm tez-tez hakimlikdən şikayətlənməsinə işarə vuraraq bunları deyib:
''Bəli, Mourinyonu dinlədikdə sənin sözlərinə haqq vermək mümkündü. Onun sözlərini indi təkrarlamaq istəmirəm, amma mənə elə gəlir ki, həqiqətən də Türkiyə çempionatında qəribə şeylər baş verir''. Daha sonra söz yenə Babelə keçir: ''Bəli, Türkiyə çempionatı qəribəliklərlə doludu. O turniri izləyən hər kəs ''burda nə baş verir'' sualını verə bilər. Məsələn, ''Beşiktaş'' və ya başqa bir klubun heyətində ''Fənərbaxça'' səfərinə yollanırsansa, sən həm ''Fənərbaxça''nı, həm fanatları, həm də hakimi məğlub etmək məcburiyyətindəsən''.
ƏLİ
Digər xəbərlər
