“2013-cü ildə ilk dəfə Türkiyəyə ayaq basanda 1 dollar təxminən 2,6 lirə civarında idi. Bu gün isə 1 dollar 26 lirədən çox edir. Türk lirəsi son illərdə inanılmaz dərəcədə dəyərini itirib və itirməkdə də davam edir. 10 ildən sonra türk lirəsi hansı durumda olacaq? Maaşını lirə ilə alan və gələcyini düşünərək pulu bir qırağa qoyub yığmaq istəyən Türkiyə vətəndaşını təsəvvür edin. Həmin şəxs yaşadıqca topladığı pullar dəyərdən düşməyə başlayır. Axı maaşını türk lirəsi ilə alan şəxs pul yığmaq üçün nə edə bilər? Yığdığı pulun dəyərini itirməməsi üçün nə etməlidi? Sizin fikriniz də mənə maraqlıdı. Yaşadığım evin sahibi kirayə haqqını 100 faiz, yəni iki dəfə qaldırıb. Lirə dəyərdən düşdüyü üçün Türkiyədə ev sahiblərinin kirayə haqqını çılğın şəkildə qaldırmaqdan başqa çarəsi qalmayıb”.