Luka Modriç mövsümün sonunda “Real”ı tərk etmək istəyir.

İspaniyalı insayder Xose Feliks Diasın məlumatına görə, 39 yaşlı futbolçu klubdan ayrıldıqdan sonra karyerasını başa vurmağı planlaşdırmır. O, özünü başqa komandada sınamaq istəyir.

Modriç Madrid klubunda 2012-ci ildən oynayır. Xorvatiyalı yarımmüdafiəçi bu mövsüm bütün turnirlərdə 20 oyun keçirib və 3 məhsuldar ötürmə edib. Lukanın “Real”la müqaviləsinin müddəti 2025-ci ilin yayına qədərdi.