“Çox qəribə, həm də uzun çəkən durumdu: əvvəlcə ona bəraət verdilər, sonra isə belə görünür ki, WADA bu işi yenidən gözdən keçirmək istədi. Hesab edirəm ki, iki variant var. Ya sənin heç bir günahın yoxdu, deməli, səni cəzalandırmamalıdılar. Yox, günahkarsansa, onda dopinq qəbuluna görə 3 aylıq uzaqlaşdırma heç də sərt cəza deyil. Odu ki, fikrimcə, qərar vermək lazımdı: bu Sinnerin günahıdı, ya yox? Yannik günahkar deyilsə, cəzalandırılmamalıdı, yox, günahkardısa, qəribə cəzadı. Bütün bu proses, bir il ərzində başverənlər çox qəribə təsir bağışlayır”.

“Belə çıxır ki, top səviyyəli oyunçusuzsa və yaxşı vəkillərə çıxış imkanınız varsa, cəza müddətinə təsir edə bilərsiz. Sinnerlə Sventek günahsızdı – bu sübut olunub. Yannik komandasının üzvlərinin səhlənkarlığı və səhvi üzündən cəzalanıb. Şəxsən mən və bəzi başqa tennisçilər bunu qəribəlik sayır”.

“Hər şey çox ədalətsiz oldu. Sinnerin işi ilə bağlı məhkəmə araşdırması lap əvvəldən “klassik” ssenari üzrə getdi. Ona heç bir xüsusi münasibət olmayıb, sadəcə, testin müsbət nəticələnməsinə gətirib çıxaran şərait spesifik xarakter daşıyıb. Yannik hesab edir ki, onunla yetərincə sərt davrandılar, ancaq onu da etiraf edir ki, hər kəsin fərqli fikri ola bilər. Qalan tennisçilər bu tarixçə ilə bağlı bütün detalları bilmirlər, ona görə də, sadəcə, fikirlərini dilə gətirirlər. Ancaq bəlkə də faktları daha diqqətlə öyrənməyə dəyər. Mən də Sinneri üçaylıq cəzanın doğru olduğuna inandırmaq üçün vaxt sərf etdim. Yəni WADA-nın razılaşma ilə bağlı təklifini qəbul etmək daha doğru qərardı, nəinki CAS-a üz tutmaq”.