“Zədəsi yoxdusa, deməli...” - Mahir Emreli müəmması
“Nürnberq”in hücumçusu Mahir Emreli fevralın 22-də keçirilən “Herta” ilə səfər oyununda (0:0) da iştirak ərizəsinə salınmadı.
Həmvətənimiz ardıcıl iki turdu bu aqibəti yaşayır. Amma nə zədəlidi, nə də cəzalı. Belə çıxır ki, komandanın baş məşqçisi Miroslav Kloze ondan əlini tam üzüb.
Mahir Emrelinin indiki durumunu qiymətləndirmək üçün menecer Tural Əsgərovla danışdıq:
“Mahirin iştirak ərizəsinə salınmaması zədə ilə bağlı ola bilərdi. Zədəsi yoxdusa, deməli, Koreya klubuna və ya başqa yerə keçidi ilə bağlı danışıqlar gedir. Futbolçu “Nürnberq”ə orda qalmaq istəmədiyini deyib. Deməli, baş məşqçi onun xidmətlərindən istifadə etməyi məqsədəuyğun bilmir”.
ƏSƏD SEYİDOV
Digər xəbərlər
