Ançelottidən Arda Gülərlə bağlı yeni açıqlama: ''Zamana ehtiyacı var''
İspaniya kubokunda yarımfinalın ilk oyununda ''Real'' fevralın 26-da ''Real Sosyedad''ın qonağı olacaq.
Oyunöncəsi mətbuat konfransında baş məşqçi Karlo Ançelottiyə Arda Gülər ilə bağlı da sual ünvanlanıb. Fevralın 25-də 20 yaşı tamam olan Arda son 5 rəsmi oyunun hamısını ehtiyatda keçirib!
O, sonuncu dəfə fevralın 5-də ''Leqanes''lə qarşılaşmada ikinci hissədə meydana çıxaraq oynamaq şansı qazanıb. İspaniya mətbuatında Arda Gülər və Endrik kimi gənclərin Ançelottidən narazı olduqları, gələn mövsüm icarə əsasında başqa kluba yollanmaq istədikləri barədə iddialar dolaşır. Ünlü mütəxəssis bu mövzu haqda suala belə cavab verib:
''Hər hansı bir durumla bağlı şübhəsi olan istənilən futbolçu söhbət üçün mənim otağıma gələ bilər. Mən hər kəslə danışıram. Bura Arda ilə Endrik də daxildi. Mətbuatda yazılanlar haqda mən də eşitmişəm. Amma bu olay konkret mənim özümə qədər gəlib çıxmayıb. Unutmayaq ki, ''Real'' dünyanın ən güclü klubudu və burda rəqabət ən üst səviyyədədi. Arda da hər kəs kimi çalışır, oynamaq istəyir. Ancaq bu dönəmdən bütün gənc futbolçular keçib. Rodriqo da, Vinisius da, Valverde də... Ardanın dünyanın ən güclü klubunda start heyətinə düşməsi üçün zamana ehtiyacı var. Dediyim kimi rəqabət çox güclüdü və bunu hər kəs anlamalıdı. Hətta anlamayan da gec-tez anlamalıdı. Hər futbolçu oynamaq istəyir. Oynamaq istəyənlər durmadan çalışmalı və öyrənməlidi. Arda ilə lap da çox zaman keçirə bilmirəm. Digərləri ilə daha uzun müddət birlikdə oluram. Bəzi futbolçuların mənimlə eyni fikirdə olub-olmadıqlarını bilmirəm''.
Türkiyəli yarımmüdafiəçi bu mövsüm La Liqada 25 qarşılaşmanın 16-da oynayıb. O, bunlardan yalnız 6-da start heyətində meydana çıxıb və 604 dəqiqə oynamaq şansı qazanıb.
Ümumilikdə Arda cari ''futbol ili''ndə bütün turnirləri nəzərə almaqla ''Real''da ən çox oynayan futbolçuların siyahısında yalnız 18-ci pillədədi.
ƏLİ
Digər xəbərlər
