"Şamaxı" Misli premyer-liqasının evdə keçirilən 24-cü tur matçında "Turan Tovuz"a uduzdu - 0:1.

"Football-plus.az" xəbər verir ki, "şirlər"in baş məşqçisi Ayxan Abbasov oyunsonrası mətbuat konfransında jurnalistlərin suallarını cavabladı.

- Bizə belə soyuq havada tək qoymayaq azarkeşlərimizə təşəkkür edirəm. Oyun ərzində xeyli qol epizodu yaratdıq. Rəqib bir real qol vəziyyətindən maksimum yararlandı. Növbəti oyunlara hazırlaşacağıq.

- Nəticənin belə olacağını bilsəydiz, matçın təxirə sakınmasını istəyərdiz?
- Yox. Hakimlər və AFFA nümayəndəsi oyunun keçirilməsi üçün şəraitin qənaətbəxş səviyyədə olduğunu dedi.
- Rəqibin oyunöncəsi ajiotaj yaratması sizə necə təsir etdi?
- Futbolda belə şeylərin baş verməsi mümkündü. Bəlkə də özlərini "sığortalamaq" üçün belə bəyanat yaydılar. Çətin və mübarizəli oyun keçdi. Hər iki komanda əlindən gələni etdi. Bir iki epizodda VAR-a baxmaq olardı. Amma məncə, idarəçilik yaxşı alındı.

- Pusi də getdi...
[/b]- Təbii ki, bizə böyük itki oldu. Məşqçi olaraq, əsas oyunçumun getməsini istəməzdim. Onu Albaniyanın 1-ci liqasından Azərbaycana mən gətirmişdim. Onun çox yaxşı təklifləri var idi. Rusiya premyer-liqasına nadir hallarda bizdən futbolçu yollanır. Fikirləşirik ki, yaxın zamanlarda yeni futbolçu transferiylə bağlı qərar verəcəyik. Axtarışlarımız davam edir.

[b]- Cəlal Hüseynovun performansını necə dəyərləndirirsiz?
- Əla. Səhv etmirəmsə, iki ilə yaxındı ki, Azərbaycanda yox idi. Məşqlərdə yaxşı iştirak edir. Şans verəcəm. Az oynaması o demək deyil ki, ona inanmırıq.

KƏNAN BAHADIR