AFFA İcraiyyə Komitəsinin mayın 13-də keçirilən iclasından sonra xeyli diqqətçəkən açıqlama verildi.

Bu sırada AFFA-nın yeni prezidenti Rövşən Nəcəfin “qısa müddətdən sonra yenidən görüşəcəyik, komitənin iclasları il ərzində daha tez-tez keçiriləcək” sözləri də var.
Bu üzdən növbəti toplantının nə vaxt baş tutacağı maraqlıdı. İddialara görə, bu, mayın sonu üçün nəzərdə tutulub. Həmin iclasda əsas müzakirə mövzusu millimizin baş məşqçi postunun kimə həvalə ediləcəyi olacaq.
Rəsmi məlumat almaq məqsədilə AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədliyə müraciət etdik. O, “Football-plus.az”a açıqlamasında hələ bu barədə dəqiq məlumatın olmadığını, olduğu təqdirdə ictimaiyyətə açıqlanacağını dedi.

Qeyd edək ki, millinin baş məşqçi postu ötən ilin noyabrından boşdu.

KƏNAN BAHADIR