Misli premyer-liqasında 7-ci turun oyunları geridə qaldı. Bilindiyi kimi, millimizin baş məşqçisi Fernando Santuş və köməkçiləri elita klublarının qarşılaşmaları stadiondan izləməklə yığma üçün lazımi məlumatları toplamaqdadı.

Görəsən, mütəxəssislər ötən həftə hansı maçlarda iş başında olub? Bu suallarla AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədliyə müraciət etdik.

O, “Football-plus.az”a açıqlamasında Fernanto Santuşun “Qarabağ” – “Neftçi”, köməkçilərindən Rikardo Santuşun “Sumqayıt” – “Zirə”, Bruno Perreyranın isə “Səbail” – “Sabah” matçını tribunadan izlədiyini dedi.

KƏNAN BAHADIR