"Səbail" Misli premyer-liqasının evdə keçirilən 24-cü tur matçında "Sabah"la heç-heçə etdi - 0:0.

"Football-plus.az" xəbər verir ki, "dənizçilər"in baş məşqçisi Cavid Hüseynov oyunsonrası mətbuat konfransında jurnalistlərin suallarını cavabladı.

- Oyunun mahiyyəti və gərginl keçəcəyi əvvəlcədən bəlli idi. Vaxt azlığına görə bəzi detalların üzərində çox çalışa bilməmişdik. Oyunçularımın göstərdiyi xarakterə görə sevinirəm. Qələbə qazanmaq istəyirdik. Təəssüf ki, bir xalla kifayətləndik.

- Son oyunlarda "Səbail" yaxşı mənada fərqli oyun göstərir. Artıq sizin müəyyən taktika üzrə çalışmağa başladığınızı düşünə bilərikmi? Bundan sonra sürpriz nəticələr qeydə alına bilərmi?
- Sevindirici haldı ki, futbol ictimaiyyətinin rəğbətini qazanmışıq. Səhvləri aradan qaldırırıq. Futbolçularım tapşırıqları yerinə yetirmək üçün əllərindən gələni edir. Görünür, bizə həqiqətən zaman lazım imiş.

- Tez-tez hakimə etiraz edirdiz...
- Bugünkü hakimlik yaxşı səviyyədə idi. Təəssüf ki, belə hallara az rast gəlinir. Bəzi məqamlarda emosiyalarımı gizlədə bilmədim. Amma bunlar normaldı.

KƏNAN BAHADIR