"Oyun barədə onu deyə bilərəm ki, yaxşı komandaya qarşı mübarizə apardıq. Rəşad Sadıqovun iddialı komandası var. Oyunun əvvəlində lazımsız səhvlər buraxdıq. İlk 30 dəqiqə matçın taleyini həll etdi. Komandamın oyunu ilə bağlı yenə deyirəm razıyam. Mən komandanı götürəndə enişdə idi. Qələbə qazandıq, sıralamada irəlilədik. Yenə deyorəm qış fasiləsində yeni qoşulanlar var. Onlara vaxt lazımdı. Yeni qoşulanlar tam hazır deyil və ən azı onlara 1 ay vaxt lazımdı. Hazır olmasalar da biz məcburiyyətdən onları əsas heyətdə oynadırıq. Məğlub olduq. İnanıram ki, bu seriyanı qıracağıq. Futbolçularımın hamısından razıyam. Bu vəziyyətdən çıxacağıq. Komandamda heç bir problem yoxdu. Səbirli olmaq lazımdır. Komandamızda əvvəl hücumçu yox idi, ona görə də Kamran əsas heyətdə oynayırdı. O, mənim üçün önəmli bir futbolçudu. Bizim mentaliteddə "mənim yerimə gəlibsə, o oynamalıdı" kimi bir düşüncə var. Yenə də deyirəm bu vəziyyətdən çıxacağıq. Nə qədər çalışırıqsa top qapıdan keçmir ki, keçmir. Deyəsən kimlərsə kənardan dua edib ki, "Sumqayıt" qol vura bilməsin. Burdan onlara da "salam" deyirəm. Bəli, qol vurmaq baxımından problemimiz var. Ancaq çalışırıq ki, bunu aradan qaldıraq. Məşqlərdə də bunun üzərində işləyirik. Bugünkü oyuna da baxsaq komandam pis oynamır. Sadəcə, 2-3 epizodla oyunu məğlub oluruq. Asan qollar buraxırıq. Sonuncu yeri düşünmürük. Futbolçular da bunu dərk edir. Növbəti oyunlarda yaxşı nəticələr qazanacağıq. Bunu "Sumqayıt" camiəsi də bilsin".