“Təbii ki, azarkeşlərlə bağlı müəyyən addımlar atırıq. Klubun bu yöndə öz siyasəti var. Sadəcə, bəzən oyun saatları uyğun olmur, bəzən də həmin matç diqqəti çəkmir. Bu məsələlərlə bağlı azarkeşlərlə əlaqələndirici əməkdaşımıza tapşırıqlar verilib. Tərəfdarların bizi həqiqətən sevməsini istəyirik. Hansısa resurslarla stadiona tamaşaçı cəlb etmək müvəqqəti xarakter daşıya bilər. Bizi həqiqətən dəstəkləmək istəyən, sevən tərəfdarların gəlməsi daha məqsədəuyğundu. Əsl azarkeşlik başqadı. Yoxsa sayı artırmaq o qədər də çətin məsələ deyil. Həm də indi Bakının hansı stadionlarında anşlaq olur? Statistika demək olar ki, bütün komandalar üçün az fərqlənir. Yaxşı mənada yalınız “Turan Tovuz”la “Şamaxı”nın oyunlarını qeyd etmək olar. Onlar doğma azarkeşlərinin önündə meydana çıxırlar. Biz Naxçıvana qayıdanda dəstək görəcəyimizə inanırıq. Hamı görəcək ki, tərəfdar sevgisi necə olur”.