Türkiyə çempionatında ''Qalatasaray''la ''Fənərbaxça'' arasında gərgin və amansız çempionluq mübarizəsi davam edir.

Yavaş-yavaş artıq diqqətlər 25-ci tura yönəlməyə başlayır. Məhz həmin turda barışmaz rəqiblər mövsümdəki ikinci duelini keçirəcək.

Bu arada Türkiyə Futbol Federasiyası 24, 25 və 26-cı turların təqvimini açıqlayıb. Yəni mövsümün şah oyununun da tarixi müəyyənləşib. İstanbul derbisi bazar ertəsi, fevralın 24-də ''Rams Park''da keçiriləcək və Bakı vaxtı ilə saat 21.00-da başlayacaq.

Belə böyük oyunun bazar ertəsinə salınması ilk baxışdan təəccüblü görünə bilər. Amma bu, ilk belə hal deyil. Əvvəlki illərdə də dəfələrlə İstanbul nəhənglərinin öz aralarındakı oyunlarının bazar ertəsinə salınması faktına rast gəlinib.

Həm də bu dəfə federasiyanın bu cür qərar verməsi gözlənilən idi. Çünki hər iki komanda Avropa Liqasında yoluna davam edir. Fevralın 20-də həm ''Fənər'', həm də ''Cim-Bom'' AL-də pley-offun cavab oyununa çıxacaq. Ona görə də federasiya oyunu bazar gününə yox, bazar ertəsinə salaraq hər iki kluba bir gün artıq istirahət etmək hüququ yaratdı.

ƏLİ