Almaniya 2-ci bundesliqasında 21-ci turun oyunları keçirilir.

"Football-plus.az" xəbər verir ki, millimizin üzvü Mahir Emrelinin çıxış etdiyi “Nürnberq” bu gün “Maqdeburq”un qonağı olub. Matç 7 qolun vurulduğu bolqollu oyun kimi yadda qalıb.

Turnir cədvəlində 3-cü yerdə olan “Maqdeburq”la görüşdə “Nürnberq” 90+4–cü dəqiqədə Yustvanınun qolu sayəsində 4:3 hesablı qələbə qazanıb. Bu qələbədən sonra 21 oyundan xalını 31-ə çatdıran “Nürnberq” 9-cu pilləyə yüksəlib. Mahirə gəlincə, əvvəki bir çox matçdan fərqli olaraq, o, bu dəfə start heyətdə yer almayıb və bütün oyun boyu ehtiyatda qalıb.

Həmyerlimiz bu mövsüm “Nürnberq”in heyətində bütün turnirlərdə 15 oyunda meydana çıxıb, 4 qol vurub və 1 qolun ötürməsini edib.