Mahir Emrelinin çıxış etdiyi “Nürnberq” Almaniyanın 2-ci Bundesliqasında növbəti oyuna çıxıb.

"Football-plus.az" xəbər verir ki, komanda bu gün 18-ci turda öz meydanında “Karlsrue” ilə qarşılaşıb. Oyun meydan sahiblərinin 2:1 hesablı qələbəsi ilə bitib. "Nürnberq"dən Tzimas (37) və Flik (90+1), "Karslue"dən isə Şleusener (40) fərqlənib. Emreli matça start heyətində çıxıb. O, 45+2-ci dəqiqədə sarı vərəqə alıb, 71-ci dəqiqədə isə Şleymerlə əvəzlənib.

Qeyd edək ki, “Nürnberq” 18 turdan sonra 25 xalla 11-ci pillədə qərarlaşıb.