“Dallas” Luka Donçiçi “Leykers”ə verdi - 700 min istifadəçi buna görə klubdan üz döndərdi
MBA-da son günlər ən çox müzakirə olunan xəbər “Dallas”ın müdafiəçisi Luka Donçiçi “Leykers”lə dəyiş-düyüş etməsidi.
“Gölməçəsevərlər” bununla bağlı açıqlama yayıb:
“Bəli, bu hadisə gerçəkdən baş verdi. Luka, Los-Ancelesə xoş gəlmisən”.
Bu prosesin tərkib hissəsi kimi Maksi Kleberlə Markiff Moris də “Dallas”dan “Leykers”ə keçib. “Dallas” əvəzində “Leykers”dən forvard Entoni Devisi, Maks Kristini və 2029 draftında 1-ci mərhələ pikini alıb.
MBA-nın ən parlaq ulduzlarından olan Donçiç cari mövsümdə hər oyunda orta hesabla 28,1 xal toplayıb, 8,3 ribaund edib və 7,9 ötürmə verib. 25 yaşlı sloveniyalı 5 dəfə Ulduzların oyununda iştirak edib.
Bu dəyiş-düyüş “Dallas” azarkeşlərində hədsiz qıcıq doğurub. Texas klubunun azarkeşləri ev oyunlarının keçirildiyi “Eyrlayns-sentr”in qarşısına çiçəklər və pivə bankarı düzüb. Onlar etirazlarını həmçinin arenaya boş tabut gətirməklə ifadə ediblər. Cəmi bir neçə saat ərzində 700 min istifadəçi “Dallas”ın rəsmi “instaqram” hesabına abunəlikdən çıxıb. Bir sözlə, əsas ulduzunu itirən “Maveriks” üçün çətin dönəm başlayır. “Leykers” artıq Donçiçin 77 nömrəli forma ilə çıxış edəcəyini də açıqlayıb.
Donçiç sosial şəbəkə hesabında “Dallas” azarkeşləri ilə belə vidalaşıb:
“Əziz Dallas! Yeddi il əvvəl bura ən yüksək səviyyədə basketbol oynamaq arzusunda olan yeniyetmə kimi gəldim. Bütün karyeramı burda keçirəcəyimə ümid edir, sizə çempionluq hədiyyə etməyə can atırdım. Amerikaya ilk dəfə gələn sloveniyalı gənc kimi burda – Şimali Texasda sizin sayənizdə özümü evdəki kimi hiss edirdim. Basketbol karyeramda yeni mərhələ başlayır, evdən kənarda evim olan şəhəri tərk edirəm”.
1 fevral
Detroyt – Dallas 117:102 (28:32, 34:26, 31:27, 24:17)
Şarlott – Klippers 104:112 (23:23, 25:30, 29:34, 27:25)
Toronto – Çikaqo 106:122 (27:30, 23:25, 24:33, 32:34)
Filadelfiya 76 – Denver 134:137 (36:38, 33:35, 31:30, 34:34)
Nyu-Orlean – Boston 116:118 (34:31, 19:28, 33:32, 30:27)
San-Antonio – Miluoki 144:118 (35:35, 35:36, 45:30, 29:17)
Qolden Steyt – Finiks 105:130 (27:30, 24:32, 28:36, 26:32
2 fevral
İndina – Atlanta 132:127 (40:24, 28:40, 31:31, 33:32)
Yuta – Orlando 113:99 (31:21, 28:26, 26:22, 28:30)
Şarlott – Denver 104:107 (20:27, 26:27, 35:36, 23:17)
Hyuston – Bruklin 98:110 (23:26, 15:27, 26:30, 34:27)
Minnesota – Vaşinqton 103:105 (26:27, 31:31, 20:25, 26:22)
Oklahoma-Siti – Sakramento 144:110 (36:31, 46:24, 31:35, 31:20)
Nyu-York – Leykers 112:128 (32:32, 22:27, 35:32, 23:37)
San-Antonio – Mayami 103:105 (33:33, 23:27, 26:25, 21:20)
Portlend – Finiks 127:108 (31:27, 30:19, 37:33, 29:29)
Detroyt – Çikaqo 127:119 (30:35, 34:19, 31:32, 32:33)
Klivlend – Dallas 144:101 (50:19, 41:27, 28:29, 25:26)
Toronto – Klippers 115:108 (36:32, 25:29, 31:16, 23:31)
3 fevral
Filadelfiya 76 – Boston 110:118 (29:21, 32:23, 33:36, 16:38)
Miluoki – Memfis 119:132 (28:31, 30:25, 41:37, 20:39)
Digər xəbərlər
