''Fənərbaxça'' Türkiyə kubokunda qrup mərhələsinin 2-ci turunda öz meydanında 1-ci liqa təmsilçisi ''Ərzurumspor''la oyunda problem yaşamadı.

Talişka, Cenk Tosun, Mərt Hakan Yandaşın hərəyə bir qol, Ən-Nəsirinin isə iki qol vurduğu oyunda Joze Mourinyonun komandası rəqibini 5:0 hesabı ilə darmadağın etdi. Amma İstanbul nəhəngi qələbəyə doyunca sevinə bilmədi. Çünki komandanın birdən-birə 3 müdafiəçisi zədələndi! Söhbət Aleksander Ciku, yeni transfer Dieqo Karlos və Mourinyonun son oyunlarda tez-tez şans verdiyi gənc Yusuf Akçiçəkdən gedir.

Klubdan hər üç futbolçunun durumu ilə bağlı rəsmi açıqlama verilib. Karlos sağ dizindən, Yusuf sol dizindən, Ciku isə sağ ayaq əzələsindən zədə alıb. Karlos təxminən 1 aylığa, Ciku 2 həftəliyə, Yusuf isə 10 günlüyə sıradan çıxıb. ''Fənər''i qarşıda ''Alanyaspor'' (səfər), ''Anderlext'' (e), ''Kasımpaşa'' (e), yenə də ''Anderlext'' (s) və ''Qalatasaray''la (s) vacib oyunlar gözləyir.

Dieqo Karlosun bu matçların hamısını qaçıracağı proqnozlaşdırılır. Ciku ilk 4 oyunu, Akçiçək isə ilk 3 oyunu qaçıraraq.

ƏLİ