Türkiyənin köklü klublarından olan və hazırda 1-ci liqada çıxış edən ''Gənclərbirliyi'' önəmli bir satış həyata keçirib.

''Football-plus.az'' xəbər verir ki, paytaxt təmsilçisi öz yetirməsi olan gənc oyunçu Baran Yıldızı ''Nyukasl''a satıb. 2007-ci il təvəllüdlü bu futbolçunun 18 yaşı yanvarın 2-də tamam olduğundan onun İngiltərəyə yollanmasında heç bir problem yaranmayıb.

''Nyukasl'' ilə 4,5 illik müqavilə imzalayan istedadlı futbolçu hələ ki, ingilislərin aşağı yaş qrupundan ibarət komandasında çıxış edəcək. Ankaralılar bu satışdan 2,5 milyon lirə qazanıblar. Amma Baran Yıldızın sonrakı satışından əldə olunacaq pulun 15 faizi onlara çatacaq. Bu oyunçu ''İstanbul BŞ'' və ''Qalatasaray''ın da skautları tərəfindən diqqətlə təqib edilirdi.

Baran Yıldız bu mövsüm ''Gənclər''in U-17 və U-19 komandalarında ümumilikdə 15 oyuna çıxıb. O, bəzən əsas komanda ilə məşqlərə çıxsa da, yüksək səviyyədə debüt etməyib. Qeyd edək ki, hazırda Türkiyənin göz bəbəyi olan ''Real''ın gənc ulduzu Arda Gülər də məhz ''Gənclərbirliyi''nin yetirməsidi. Ankaralıların baş meneceri Əli Əkbər Düzgün bu satışla bağlı bunları deyib: