Fabio Kannavaronun çalışdırdığı Zaqreb “Dinamo”su son turun əsas sürprizini reallaşdırdı.

Birbaşa 1/8 finala vəsiqə qazanmaq üçün qələbəyə ehtiyac duyan “Milan” Zaqrebdə hələ ilk yarıda azlıqda qaldı və yekunda heç 1 xal da qazana bilmədi. Amma bərbad top fərqinə malik olması “Dinamo”nun “evini yıxdı”. Bu komanda ilk turda səfərdə “Bavariya”ya 2:9 yox, məsələn, 2:6 uduzsaydı, 24-cü pillə “Brügge”yə yox, məhz “Dinamo”ya qismət olardı!

“Barselona” ilə “Atalanta”nın dueli, gözlənildiyi kimi, baxımlı alındı. 1/8 finala vəsiqə üçün qələbəyə ehtiyacı olan “Atalanta” pis təsir bağışlamasa da, istəyinə çata bilmədi. Yekun nəticə tərəflərdən heç birini qane etmədi. Belə ki, nə “Barselona” lider ola bildi, nə də “Atalanta” “8-liy”ə düşdü. “Real” mövsümün əsas sürprizi “Brest”lə səfər oyununda ümidləri artıqlamasıyla doğrultdu. 2-ci hissənin əvvəllərində meydan sahibləri qol vurdu, ancaq VAR bu epizodda mikroskopik ofsayd qeydə aldı.

“Kral klubu” yekunda rəqibini darmadağın etsə də, bu, “8-liy”ə vəsiqə üçün kifayət etmədi. Çünki nə “Lill” büdrədi, nə də “Aston Villa”. “Feyenoord”un Fransada pərən-pərən düşməsi bir qədər gözlənilməz oldu. Çünki Rotterdam təmsilçisi ötən tur “Bavariya”ya 3 cavabsız qol vurmuşdu və “Lill” ilə oyuna yüksək əhval-ruhiyyədə çıxmışdı. Özü də “Feyenoord”un da kağız üzərində 1/8 finala vəsiqə qazanmaq şansı pis deyildi. Bunun üçün, təbii ki, ilk növbədə 3 xal qazanmaq tələb olunurdu. Amma komanda tarixi fiaskoya uğrayaraq fanatlarına əsl şok yaşatdı. “Aston Villa” isə Morqan Rocersin het-triki sayəsində Britaniya derbisində parlaq qələbə qazandı.

“Seltik”in ilk yarıdakı geridönüşü bir işə yaramadı. “Atletiko” üçün Avstriya səfəri, gözlənildiyi kimi, asan gəzintiyə çevrildi. “Zaltsburq” “Slovan”la birlikdə əsas mərhələdə ən çox qol buraxan iki komandadan biri oldu. Sürprizə imkan verməyən klublardan biri də “Bayer-04” oldu. Almaniya çempionu öz meydanında iddiasız “Sparta”ya hər hissədə bir qol vuraraq əsas mərhələni 6-cı pillədə tamamladı. Mikel Arteta həftəsonu “Mançester Siti”yə qarşı baş tutacaq çətin oyunu nəzərə alaraq “Jirona” ilə səfər matçında əsas futbolçuları ehtiyatda saxlamışdı. Bu, bir qədər riskli addım idi. Çünki “Arsenal” 1/8 finala vəsiqəni təmin etməmişdi. Üstəlik London nəhəngi hesabda da geri düşdü. Amma komanda hadisələrin axarını xeyrinə dəyişərək hələ ilk yarıda iki qol vurmağı bacardı.

“Yuventus” “Benfika” ilə ev oyununda gözlənilmədən çox aciz təsir bağışladı. Düzdü, Lissabon nəhəngi daha motivasiyalı idi. Çünki portuqaliyalılar pley-offa vəsiqəni təmin etməmişdilər. Amma istənilən halda “Benfika”nın Turində belə asan qalib gəlməsi bir daha göstərdi ki, əvvəlki “Yuve”dən əsər-əlamət də qalmayıb.

Barselona – Atalanta 2:2 (0:0)
Barselona (İspaniya): Şçensnı, Kunde, R.Arauxo, E.Qarsiya (Kubarsi, 69), A.Balde, F.de Yonq, Pedri (Kasado, 80), Yamal (Viktor, 90+6), Qavi (F.Lopes, 69), Rafinya, Levandovski (F.Torres, 69).
Atalanta (Berqamo, İtaliya): Karnesekki, Bellanova (Rucceri, 76), Cimşiti, Hien, Kolaşinats (Skalvini, 55), Zappakosta (Kuadrado, 76), De Roon, Ederson, Paşaliç, De Ketelare (Breşianini, 87), Reteqi (Zanyolo, 76).
Qollar: Yamal, 47 (1:0). Ederson, 67 (1:1). R.Arauxo, 72 (2:1). Paşaliç, 79 (2:2).
Vərəqələr: Kolaşinats, 51. De Roon, 90+3. Ederson, 90+7. Paşaliç, 90+7 – sarı.
Hakim: Maykl Oliver (İngiltərə).
29 yanvar. Barselona. 42728 tamaşaçı.

Bayer-04 – Sparta 2:0 (1:0)
Bayer-04 (Leverkuzen, Almaniya): Kovarj, Frimponq (Artur, 88), Mukiele, Ta, Tapsoba, Qrimaldo, Caka, Palasios (A.Qarsiya, 83), Virts (Hofmann, 90), Tella (Andrix, 83), Şik (Stepanov, 90).
Sparta (Praqa, Çexiya): Vindal, Visner (Suxomel, 85), Vitik, Şevinski, Sorensen, Zeleni (Krasniqi, 90+3), Sadilek, Kairinen, Laçi (Danek, 85), Olatunyi (Haraslin, 65), Birmançeviç (Penksa, 90+3).
Qollar: Virts, 32 (1:0). Tella, 64 (2:0).
Vərəqələr: Birmançeviç, 36. Olatunyi, 63. Caka, 66. Andrix, 90+2 – sarı.
Hakim: Georgi Kabakov (Bolqarıstan).
29 yanvar. Leverkuzen. 30210 tamaşaçı.

Yuventus – Benfika 0:2 (0:1)
Yuventus (Turin, İtaliya): Perin, Vea, Qatti, Kalulu (Lokatelli, 16), Makkenni, Duqlas Luis, Türam (Koopmayners, 61), Konseysao, Kənan Yıldız, Mbanqula (Niko Qonsales, 61), Vlahoviç.
Benfika (Lissabon, Portuqaliya): Trubin, T.Arauxo (Requ, 90+1), Silva, Otamendi, Bah, Eursnes, F.Luiş, Orkun Kökçü (Rollhayzer, 90+1), Di Mariya (Kərəm Aktürkoğlu, 72), Şelderup (Barreyro, 72), Pavlidis (Amduni, 84).
Qollar: Pavlidis, 16 (0:1). Orkun Kökçü, 81 (0:2).
Vərəqələr: Vlahoviç, 55. Otamendi, 63. Bah, 78 – sarı.
Hakim: İştvan Kovaç (Rumıniya).
29 yanvar. Turin. 41402 tamaşaçı.

Dinamo Z – Milan 2:1 (1:0)
Dinamo (Zaqreb, Xorvatiya): Nevistiç, Teofil-Katren, Mmae, Torrente, Pyer-Qabriel (Yakiroviç, 90+2), Mişiç, Ademi (Roq, 70), Stoykoviç (Kordoba, 76), Baturina (Mbuku, 90+2), Pyatsa (Ristovski, 70), Kulenoviç.
Milan (İtaliya): Menyan, Tomori, Pavloviç, Qabbia (Terraççiano, 46), T.Ernandes, Fofana, Reynders (Abraham, 82), Musa, Pulişiç, Leao (Okafor, 82), Morata (Çukvueze, 46).
Qollar: Baturina, 19 (1:0). Pulişiç, 53 (1:1). Pyatsa, 60 (2:1).
Vərəqələr: Pulişiç, 28. Mişiç, 31. Musa, 31. Pyatsa, 34. Menyan, 39. Nevistiç, 90+4 – sarı. Musa, 39 – qırmızı (ikinci sarı).
Hakim: Fransua Letesye (Fransa).
29 yanvar. Zaqreb. 18856 tamaşaçı.

Zaltsburq – Atletiko 1:4 (0:3)
Zaltsburq (Avstriya): Şlager, Dediç, Baydu, Blank, Terziç (Morqalya, 85), Kapaldo (Bayçetiç, 85), Diambu (Kavamura, 58), Yeo (Ratkov, 67), Qlux, Dorjeles (Klark, 58), Daqim.
Atletiko (Madrid, İspaniya): Oblak, Lyorente, Le Norman, Lanqle, Aspilikueta, Koke, De Paul (Qallaxer, 67), Simeone (Molina, 59), Lino (Lemar, 81), Alvares (Sörlot, 59), Qrizmann (Rikelme, 67).
Qollar: Simeone, 5 (0:1). Qrizmann, 13 (0:2). Qrizmann, 45+1 (0:3). Lyorente, 63 (0:4). Daqim, 90+1 (4:1).
Vərəqələr: Kapaldo, 58. Blank, 66 – sarı.
Hakim: Entoni Teylor (İngiltərə).
29 yanvar. Zaltsburq. 23389 tamaşaçı.

Lill – Feyenoord 6:1 (2:1)
Lill (Fransa): Şevalye, Menye, Diakite, Ribeyro, Bakker (Qudmundsson, 83), Buaddi, Mukau, Sahraui (Laşaab, 90+1), Qomes (Haraldsson, 63), Kabella (E.Mbappe, 83), Bayo (David, 63).
Feyenoord (Rotterdam, Niderland): Beylo (Vellenroyter, 35), Niuvkoop (Mitçell, 63), Trauner, Hantsko, Smal, Beelen, Hvan İn Bom (Zexiel, 46), Hac Mussa, Milambo, Payşao (Osman, 62), Ximenes (Ueda, 28).
Qollar: Sahraui, 4 (1:0). Ximenes, 14 (1:1). Trauner, 38-öz qapısına (2:1). Qomes, 57 (3:1). David, 74 (4:1). Trauner, 76-öz qapısına (5:1). Kabella, 80 (6:1).
Vərəqələr: Trauner, 43. Şevalye, 62. Mukau, 65. Kabella, 80 – sarı.
Hakim: Slavko Vinçiç (Sloveniya).
29 yanvar. Lill. 44071 tamaşaçı.

Aston Villa – Seltik 4:2 (2:2)
Aston Villa (Birmingem, İngiltərə): E.Martines, Keş (Makqinn, 30), Boqard, Konsa, Din (Maatsen, 74), B.Kamara, Tilemans, Beyli, Rocers, Remsi, Uotkins.
Seltik (Qlazqo, Şotlandiya): Şmeyhel, Conston, Skeyls (Mürrey, 82), Trasti, Teylor, Makqreqor, Hatate (Makkouen, 83), Engels (Bernardo, 73), Kyun, Yan Hyun Cun (Palma, 73), Ayda (Kamminqs, 79).
Qollar: Rocers, 3 (1:0). Rocers, 5 (2:0). Ayda, 36 (2:1). Ayda, 38 (2:2). Uotkins, 60 (3:2). Rocers, 90+1 (4:2).
67-ci dəqiqədə Uotkins penaltidən yararlana bilməyib (yan).
Hakim: Kleman Türpen (Fransa).
29 yanvar. Birmingem. 42824 tamaşaçı.

Jirona – Arsenal 1:2 (1:2)
Jirona (İspaniya): P.Lopes, A.Martines, Xuanpe, Yakobişvili, Franses, Romeu (Errera, 57), Martin (Van de Beek, 68), Tsıqankov (Portu, 68), Asprilya (Solis, 57), Qruneveld, Ruis (Stuani, 57).
Arsenal (London, İngiltərə): Neto, Parti (Y.Timber, 46), Qabriel, Kivior, Kalafiori (Lüis-Skelli, 70, Jorjinyo (Rays, 82), Edeqor, Merino, Nvaneri (Martinelli, 87), Sterlinq, Trossar (Haverts, 70).
Qollar: Danjuma, 28 (1:0). Jorjinyo, 38-p. (1:1). Nvaneri, 42 (1:2).
93-cü dəqiqədə Sterlinq penaltidən yararlana bilməyib (qapıçı).
Vərəqələr: Yakobişvili, 51. Sterlinq, 70. Portu, 79. A.Martines, 85. Stuani, 90+3. Rays, 90+3 – sarı.
Hakim: Mauritsio Mariani (İtaliya).
29 yanvar. Jirona. 9048 tamaşaçı.

Brest – Real 0:3 (0:1)
Brest (Fransa): Bizot, Lala, Şardonne, Kulibali, Laje, Manyetti (Les-Melu, 61), E.Fernandeş, M.Kamara (Del Kastilyo, 70), Dumbiya (Fevr, 61), M.Balde (Sima, 70), Ajork (İ.Salah, 79).
Real (Madrid, İspaniya): Kurtua, Vaskes (Asensio, 82), Çuameni (Alaba, 82), Rüdiger, Mendi, Valverde, Modriç (Endrik, 88), Dias (Arda Gülər, 72), Bellingem (Sebalyos, 82), Rodriqo, K.Mbappe.
Qollar: Rodriqo, 27 (0:1). Bellingem, 56 (0:2). Rodriqo, 78 (0:3).
Vərəqələr: Çuameni, 29. Rüdiger, 35. Bellingem, 74 – sarı.
Hakim: Espen Eskos (Norveç).
29 yanvar. Genqam. 15405 tamaşaçı.

1. Liverpul 8 7 0 1 17-5 21
2. Barselona 8 6 1 1 28-13 19
3. Arsenal 8 6 1 1 16-3 19
4. İnter 8 6 1 1 11-1 19
5. Atletiko 8 6 0 2 20-12 18
6. Bayer-04 8 5 1 2 15-7 16
7. Lill 8 5 1 2 17-10 16
8. Aston Villa 8 5 1 2 13-6 16
9. Atalanta 8 4 3 1 20-6 15
10. Borussiya D 8 5 0 3 22-12 15
11. Real 8 5 0 3 20-12 15
12. Bavariya 8 5 0 3 20-12 15
13. Milan 8 5 0 3 14-11 15
14. PSV 8 4 2 2 16-12 14
15. PSJ 8 4 1 3 14-9 13
16. Benfika 8 4 1 3 16-12 13
17. Monako 8 4 1 3 13-13 13
18. Brest 8 4 1 3 10-11 13
19. Feyenoord 8 4 1 3 18-21 13
20. Yuventus 8 3 3 2 9-7 12
21. Seltik 8 3 3 2 13-14 12
22. Mançester Siti 8 3 2 3 18-14 11
23. Sportinq 8 3 2 3 13-12 11
24. Brügge 8 3 2 3 7-11 11
25. Dinamo Z 8 3 2 3 12-19 11
26. Ştutqart 8 3 1 4 13-17 10
27. Şaxtyor 8 2 1 5 8-16 7
28. Bolonya 8 1 3 4 4-9 6
29. Srvena Zvezda 8 2 0 6 13-22 6
30. Şturm 8 2 0 6 5-14 6
31. Sparta 8 1 1 6 7-21 4
32. Leyptsiq 8 1 0 7 8-15 3
33. Jirona 8 1 0 7 5-13 3
34. Zaltsburq 8 1 0 7 5-27 3
35. Slovan 8 0 0 8 6-27 0
36. Yanq Boyz 8 0 0 8 3-24 0

Bombardirlər: Levandovski (Barselona), Girassi (Borussiya D) – 9, Rafinya (Barselona) – 8, Vinisius (Real) – 7.

Faktlar
* Ançelotti “Real”ın başında avrokuboklarda 71-ci oyuna çıxdı. O, bu göstəricidə uzun illərdi klub tarixinin rekordçusu olan əfsanəvi Migel Munyosa çatdı. Yəni növbəti oyunda italiyalı mütəxəssis artıq yeni rekord müəyyənləşdirəcək. Bu siyahıda 3-cü pillədə Visente del Boske (60) qərarlaşıb.
* “Atletiko” ÇL-də ardıcıl 3-cü səfər oyununda qalib gəlməklə şəxsi rekordunu təkrarladı. Komanda daha öncə Avropanın bir nömrəli klub turnirində bir mövsümün gedişində yalnız 1973/74-də ardıcıl 3 səfər qələbəsi əldə etmişdi. Qeyd edək ki, bundan öncə Madrid nəhəngi rəqib meydanında “Sparta” (6:0) və PSJ-ni (2:1) məğlub etmişdi.
* “Feyenoord”lu Trauner ÇL tarixində bir oyunda öz qapısına iki qol vuran ilk futbolçu oldu! Maraqlıdı ki, bu mövsüm ÇL-in əsas mərhələsində “Feyenoord”un iştirakı ilə keçirilən 8 oyunda 6 avtoqol qeydə alındı.
* “Yuventus” ardıcıl 5-ci oyunda “Benfika”nı məğlub edə bilmədi (1 heç-heçə, 4 məğlubiyyət).
* “Aston Villa”lı Rocers 22 yaş 187 günlüyündə ÇL-də het-trik etdi. O, 2004-ün sentyabrında “Fənərbaxça” ilə oyunda 18 yaş 340 günlüyündə 3 qol vuran Ueyn Runinin ardından ÇL-də het-trik edən ən gənc ikinci ingiltərəli futbolçuya çevrildi. Rocers eyni zamanda ÇL tarixində ilk 5 dəqiqədə iki qol vuran birinci futbolçudu!
* “Lill” avrokuboklarda Niderland təmsilçilərinə qarşı keçirdiyi 7-ci oyunda ilk qələbəsini qazandı (1 heç-heçə, 5 məğlubiyyət).
* “Feyenoord” tarixində ikinci dəfə avrokubok matçında 5 top fərqi ilə uduzdu. Daha öncə bu hal 1966-da ÇK-da “Real” ilə oyunda (0:5) baş vermişdi. Bundan başqa “Feyenoord” tarixində ilk dəfə bir avrokubok oyununda 6 top buraxdı!
* PSV-nin sayəsində Niderland klublarının “Liverpul”a qarşı 17 oyunluq qələbəsiz seriyası başa çatdı. Niderland təmsilçilərindən “qırmızılar”ı məğlub edən son kollektiv 1966-da “Ayaks” olmuşdu.
* “Bayer-04”ün avrokuboklarda evdəki məğlubiyyətsiz seriyası 13 oyuna yüksəldi (10 qələbə, 3 heç-heçə). Bu, klub tarixinin yeni rekordudu!

Oyundan sonra
Karlo Ançelotti, “Real”ın baş məşqçisi: