Məlum olduğu kimi, "Şamaxı" və "Mingəçevir"də danışılmış oyunlarla bağlı aparılan araşdırma dörd oyunçunun ömürlük futboldan uzaqlaşdırılmasıyla nəticələndi.

Xatırladaq ki, bunlar millimizin və "Şamaxı"nın sabiq üzvü Adil Nağıyev, "nur şəhəri"nin təmsilçisinin futbolçuları Mövlan Kərimov, Xəyal Xudaverdiyev və Muxtar Nəzərlidi.

"Football-plus.az" məsələylə bağlı daha bir xoşagəlməz bilgi əldə edib. Belə ki, AFFA İntizam Komitəsi araşdırmanın yekunlarıyla bağlı izahat üçün yuxarıda adı çəkilən futbolçuları qurumun binasına çağırıb. Lakin federasiyanın çağırışına yalnız Adil tərəfindən müsbət cavab verilib. Mövlan, Xəyal və Muxtardan isə xəbər-ətər yoxdu. Ümumiyyətlə, onları tapmaq mümkün olmayıb.

Burda bizim də səylərimizi qeyd etsək, yerinə düşər. Ona görə ki, həmin futbolçuları axtaranlar sırasında olsaq da, cəhdlərimiz həftələr ərzində fayda verməyib. Üçü də sanki yoxa çıxıb.

KƏNAN BAHADIR