Son həftələrin ən aktual klublarından biri olan "Mingəçevir"dən şad xəbər var.

Komandada danışılmış oyunlarla bağlı araşdırma tamamlanıb, tezliklə günahkarların - Mövlan Kərimov, Muxtar Nəzərli və Xəyal Xudaverdiyevin cəzalandırılacağı gözlənilir. Böyük ehtimalla, hər üçü futboldan ömürlük kənarlaşdırılacaq. Lakin xəbərimizin məğzi yalnız bundan ibarət deyil.

Belə ki, "nur şəhəri"nin təmsilçisi bu ay yeni sponsoruna - ASTA-ya qovuşacaq. Əldə etdiyimiz məlumata görə, tərəflər arasında yanvarın 20-nə qədər əməkdaşlıq müqaviləsinin imzalanması nəzərdə tutulur.

"Football-plus.az"a mövzuyla bağlı açıqlama verən Tural Piriyev məlumatı təsdiqləyib. Futbolun İnkişafı Fondunun icraçı direktoru anlaşma sənədinin yaxın 10 gün ərzində imzalanması üçün işlər görüldüyünü deyib.

KƏNAN BAHADIR