Danışılmış oyunlar üzündən "Mingəçevir"lə bağlı aparılan araşdırmadan xəbərdarsız. Xatırladaq ki, indiyə qədər bu səbəbdən 8 futbolçu saxlanılıb.

Hadisələrin axarı ilə bağlı müəyyən xəbərləri diqqətinizə çatdırmışıq. Onu da demişik ki, əsas şübhələr Muxtar Nəzərli və Mövlan Kərimovun üzərində cəmləşib.

"Football-plus.az"a proseslə bağlı yeni məlumat daxil olub. Belə ki, saxlanılanlardan daha biri əsas şübhəli kimi ciddi nəzarət altına alınıb. Söhbət Xəyal Xudaverdiyevdən gedir.

Əlbəttə, bu barədə yekun və rəsmi məlumatı məsələ üzrə tədqiqat işləriylə məşğul olan qurumlar açıqlayacaq.

Xatırladaq ki, danışılmış oyunlar üzündən saxlanılanların siyahısında Xəyal Muradov, Tural Məmmədzadə, Fuad Əhmədov, Elnur Mirzəyev və Elmin Bayramovun da adı var.

KƏNAN BAHADIR