Artur Melo tezliklə İtaliyanı tərk edə bilər.

“Santos” rəhbərliyi “Yuventus”un futbolçusunu icarəyə götürmək istəyir. İnsayder Fabritsio Romanonun məlumatına görə, müqavilənin şərtlərində birdəfəlik transfer etməklə bağlı bənd də olacaq. 28 yaşlı yarımmüdafiəçi Neymarın Braziliya klubuna keçidindən sonra özü də təklifdən imtina etmir.

Artur bu mövsüm “Yuventus”un heyətinə bir oyuna belə çıxmayıb. Onun İtaliya klubu ilə müqaviləsinin müddəti 2026-cı ilə qədərdi. Braziliyalı futbolçu karyerası ərzində “Qremio”, “Barselona”, “Liverpul” və “Fiorentina”da oynayıb.