“Yuventus” iki yarımmüdafiəçisi ilə yolları ayırıb.

Football-plus.az xəbər verir ki, komandaya bu ampluada oynayan bir futbolçu gəlib. “Yuventus” və “Liverpul” arasındakı danışıqlar müsbət nəticələnib.

İtaliya klubu Arturu İngiltərəyə yollayıb. “Liverpul” braziliyalı yarımmüdafiəçini cari mövsümün sonuna qədər icarəyə götürüb. İngilislərin 26 yaşlı futbolçunu birdəfəlik transfer etmək hüququ olmayacaq.

Denis Zakariya isə “Çelsi”yə icarəyə verilib. London klubunun isveçrəli futbolçunu gələn yay almaq hüququ var. Amma ingilislərin 25 yaşlı Denisə görə nə qədər xərcə düşəcəklərinə aydınlıq gətirilmir.

İtaliya klubuna qoşulan yeni futbolçu isə Leandro Paredesdi. PSJ-dən bu mövsüm üçün icarəyə götürülən argentinalı futbolçu müəyyən şərtlər daxilində “Yuventus”da qala bilər. Bunun üçün Turin klubu PSJ-yə 22,6 milyon avro təzminat ödəməli olacaq.