"Yaxşı oyunla, yaxşı nəticə ilə geri dönmək haqda düşünürük” - Qurban Qurbanov
“Qarabağ”ın baş məşqçisi Qurban Qurbanov Avropa Liqasının əsas mərhələsinin 8-ci turunda keçiriləcək “Olimpiakos”la oyun üçün Yunanıstana düşərkən Heydər Əliyev adına Beynəlxalq hava limanında fikirlərini bölüşüb.
"Football-plus.az" xəbər verir ki, o, “CBC Sport”a açıqlamasında sabah keçiriləcək görüş haqda deyib:
“Hazırlaşmaq üçün vaxtımız az oldu. Son iki məğlubiyyətdən sonra “Olimpiakos”la oyuna hazırlaşmaq bir o qədər asan deyil. Oyunun bizim üçün formal olsa da, bilirik ki, azarkeşlərimiz həmin matçı səbirsizliklə gözləyəcək. Bizdən yaxşı oyun və yaxşı nəticə gözləyəcəklər. Çalışacağıq ki, “Olimpiakos”la görüşdə var gücümüzlə ən yaxşısını edək. Yaxşı oyunla, yaxşı nəticə ilə geri dönmək haqda düşünürük”.
Qeyd edək ki, “Olimpiakos” – “Qarabağ” matçı sabah saat 00.00-da başlayacaq.
Digər xəbərlər
