Qurban Qurbanov "Olimpiakos"la oyundan öncə narahat olduğu məqamlardan danışdı - MÜSAHİBƏ
"Qarabağ" bu gün Avropa Liqasında "Olimpiakos"la qarşılaşmaq üçün Yunanıstana yollanıb.
Football-plus.az xəbər verir ki, Ağdam təmsilçisinin baş məşqçisi bu gün Heydər Əliyev Beynəlxalq Hava Limanında görüş haqda fikirlərini səsləndirdikdən sonra jurnaliatlərin suallarını cavablandırıb...
"Bəzən proqramda dəyişiklik olur. Hazırlaşmaq üçün vaxtımız az idi. Buna görə əsas məşqlərimizi Bakıda etmək istədik. Hazırlıqlar pis keçməyib, futbolçuların durumu da əvvəlki günlərə nisbətən daha yaxşıdı. "Olimpiakos"a yeni rəqib deyə bilərəm. Çünki son qarşılaşmada yeni baş məşqçinin rəhbərliyi altında fərqli oyun sərgilədilər. Onlarla yaxından tanış olduq. Yunanıstana yaxşı oyun göstərmək üçün gedirik. Komandada da hər şey qaydasındadı".
- Heyətlə bağlı hər hansı problem yoxdu ki?
- "Neftçi" ilə matçdan sonra Marko Yankoviçin durumu bir az ağır oldu. Amma dünən fərdi qaydada məşq etdi. Bu gün klinikadan birbaşa hava limanına gəlib. Orda bəzi aparatlar var hansı ki, yenidən müayinədən keçməli idi. Hər şey yaxşılığa doğru gedir. Sabahadək vaxtımız var. Onunla bağlı qərarı oyun günü verəcəyik. Digər oyunçularda isə hər şey qaydasındadı.
- Oyundan hansı nəticəni gözləyirsiz?
- Daha çox istəyirəm ki, qalibiyyət bizim tərəfimizdə olsun. Amma hər şeyi nəzərə almaq lazımdı. Rəqib komandada qrupdakı iki məğlubiyyətdən sonra dərhal baş məşqçi dəyişikliyi baş verib. İddialarının çox olduğu görünür. Bu matça da ciddi hazırlaşıblar. Ümumiyyətlə, rəqibin anidən baş məşqçi dəyişikliyi məni ən çox narahat edən məqamlardan biridir. Dəfələrlə belə hallar yaşanıb. Hər şeyin qaydasında olmasını istəyirik. Rəqib bizi daha yaxşı tanıyır. Hər halda, bütün bunlar bizə təcrübə verir. Daha diqqətli və istəkli olmağa çalışacağıq. Belə qarşılaşmalarda bəzi detallara diqqət ayırmalıyıq. Hansı ki hazırda bunları bilmirik və oyun vaxtı görəcəyik. Bu cür oyunlarda futbolçuların üzərinə daha çox məsuliyyət düşür və daha diqqətli oynamalıdılar.
Digər xəbərlər
