Türkiyə superliqasında çıxış edən ''Kasımpaşa''nın yeni baş məşqçisinin adına aydınlıq gəlib.

''Football-plus.az'' xəbər verir ki, İstanbul təmsilçisi son turda ''Hatayspor''u 5:4 hesabı ilə yenməsinə rəğmən baş məşqçi Hakan Keleş ilə qarşılıqlı şəkildə yollar ayrılmışdı. Türkiyəli həmkarlarımızın təxmini doğru çıxıb. Burak Yılmaz ''Kasımpaşa''nın yeni baş məşqçisi təyin olunub. Amma klubun rəsmi açıqlamasında 39 yaşlı mütəxəssislə imzalanan müqavilənin müddəti barədə məlumat verilməyib.

Yaxın keçmişin tanınmış türkiyəli forvardlarından olan Burak Yılmaz məşqçi karyerasına 2023-cü ildə ''Beşiktaş''da Şenol Günəşin köməkçisi kimi başladı. Günəşin ayrılmasından sonra qısa müddət ''Beşiktaş''ı çalışdıran Yılmaz daha sonra ''Kayserispor''un başına keçərək bu komandanı elitada saxlamağı bacarmışdı. Bu ilin sentyabrından sonlarında Kayseridən ayrılan Yılmaz həmin vaxtdan bu yana işsiz idi. Onun yeni klubunun başında debütü həftəsonu 22-ci tur çərçivəsində ''Adana Dəmirspor''a qarşı səfər oyununda reallaşacaq.

ƏLİ