Mraz və Stoykanın “Qarabağ”a keçidiylə bağlı durum – ikinci Juninyo axtarılmır!
Xəbər verdiyimiz kimi, “Qarabağ” qış “transfer pəncərəsi” çərçivəsində hücum mövqeyini gücləndirmək istəyir. “Köhlən atlar” bu məqsədlə iki futbolçuyla maraqlanır. Bunlar Samuel Mraz və Yanis Stoykadı.
Bəs bu hücumçularla danışıqlar nə yerdədi? “Qarabağ” adı çəkilən oyunçularla Juninyonun gedişi nəticəsində yaranan boşluğu doldura bilərmi?
“Football-plus.az”ın bu suallarla təcrübəli menecer Tural Əsgərliyə müraciət etdi. Onun cavabı:
“Bu futbolçuları tanıyıram. Xüsusilə Stoykanı... Rumıniya mətbuatı uzun müddətdi bu oyunçunun adını müxtəlif klublarla hallandırır. Görünür, rumınlar Stoykanın qiymətini qaldıra bilmək üçün belə bir yola əl atıblar. Hər halda, indi ikinci Juninyo axtarmaq düzgün deyil. Elə futbolçu transfer edilməlidi ki, Juninyodan daha faydalı olsun. Məncə, “Qarabağ” da məhz bu fikirdədi. Qısası, ikinci Juninyo axtarılmır”.
KƏNAN BAHADIR
Digər xəbərlər
