Messi ənənəvi sualı yenə cavabladı
Lionel Messi son vaxtlar tez-tez üzləşdiyi sualı növbəti dəfə cavablamalı olub. Ulduz futbolçu əvvəlki cavablarında DÇ-2026-da iştirakı ilə bağlı dəqiq fikir səsləndirməkdə çətinlik çəkmişdi.
"Football-plus.az"ın məlumatına görə, “İnter Mayami”nin və Argentina yığmasının hücumçusu qarşıdakı mundialda mümkün iştirakı ilə bağlı suala yenə dəqiq cavab verməyib. 37 yaşlı Messi ABŞ, Kanada və Meksikada təşkil ediləcək turnirdə komandasına kömək edə bilmək üçün formada qalmağa çalışdığını deyib:
“2026-cı ildəki mundial? 2025-ci il hələ yenicə başlayıb. Böyük arzu və həvəs ilə işləyirəm. Ümid edirəm ki, 2026-ya qədər özümü yaxşı hiss edəcəm və mövsüm ərəfəsindəki hazırlığı yaxşı keçirə biləcəm ki, rəsmi oyunlar üçün əla formada olum”.
Yeri gəlmişkən, Messi 2022-ci ildə Qətərdə keçirilən sonuncu dünya çempionatının qalibidi. O, həmçinin turnirin ən yaxşı futbolçusu seçilib.
Digər xəbərlər
