Kvaratsxeliya Parisdə nə qədər qazanacaq?

Xviça Kvaratsxeliya artıq PSJ-nin oyunçusu sayılır.

"Football-plus.az" xəbər verir ki, onun Fransa klubuna gözlənilən transferi rəsmiləşib.

PSJ-nin rəsmi saytında gürcüstanlı futbolçu ilə müddəti 2029-cu ilin yayına qədər nəzərdə tutulan müqavilə imzalandığı bildirilib. Amma keçidin maliyyə yönləri haqda rəsmi məlumat verilməyib. Fransa mətbuatı 23 yaşlı vingerin transferinin PSJ-yə təxminən 65-70 milyon avroya başa gəldiyini yazıb. “Napoli”də ilə 1,6 milyon avro alan Xviçanın yeni klubundakı illik məvacibi 7,5 milyon avro olacaq. Bunu da Fransa mənbələri iddia edir.

“Napoli”də 2022-ci ildən forma geyən Kvaratsxeliya bu mövsüm bütün turnirlərdə 19 matçda iştirak edib, 5 qol vurub və 3 məhsuldar ötürmə verib. O, yeni komandasında “7” nömrəli forma ilə çıxış edəcək. Qeyd edək ki, Fransa nəhənginin sabiq futbolçusu Kilian Mbappenin ötən yay “Real”a yollanmasından sonra həmin nömrə istifadə olunmurdu. Maraq üçün Kvaratsxeliyanın İtaliya klubunda “77” nömrə altında çıxış etdiyini də xatırladaq.