Xviça Kvaratsxeliya yenidən əvvəlki günlərini yaşamağa başlayıb.

Gürcü futbolçu həm komandası, həm də özü üçün uğursuz keçən ötən mövsümdən sonra indi məhsuldar çıxışı ilə seçilir.

Qitənin bir çox nəhənglərinin onu yenidən xatırlaması təbiidi. “Napoli”nin prezidenti Aurelio De Laurentis Xviçanın gələcəyi haqda danışıb. O, 23 yaşlı yarımmüdafiəçinin komandada qalacağına işarə vurub: “Söhbət Kvaratsxeliyanın müqaviləsinin yenilənməsindən gedir? Futbolçularımız biz istədiyimiz və arzuladığımız müddətdə “Napoli”də qalacaqlar”.

Kvaratsxeliyanın İtaliya klubu ilə hazırkı müqaviləsinin müddəti 2027-ci ilin yayına qədərdi. Xviça bu mövsüm bütün turnirlərdə 10 matçda iştirak edib, 4 qol vurub və 2 məhsuldar ötürmə edib.