Azarkeşləri anladıq, bəs jurnalistlər?
Misli premyer-liqasının klublarından “Araz-Naxçıvan”la “Sabah” bu gün yoldaşlıq oyununda qarşılaşıb. Saat 15.00-da “Azərsun Arena”da başlayan matç hər kəs üçün qapalı oldu.
Lap tutaq ki, azarkeşlərin oyunu izləməsinə qoyulan qadağanı anladıq. Hərçənd ölkəmizdə azarkeşlərin yoldaşlıq oyunlarına gəlməsi nadir hadisədi. Bəs jurnalistlər üçün niyə belə imkan yaradılmadı?
“Football-plus.az”ın bu sualını “Araz-Naxçıvan”ın mətbuat xidmətinin rəhbəri Mahal Məmmədov cavabladı:
“Hər kəs üçün qapalı olub. Belə razılaşdırılıb. Bu, “Araz-Naxçıvan”ın təşəbbüsüdü. Ona görə də klubun sosial şəbəkə hesablarında açıqlamada hər kəs üçün qapalı olduğunu qeyd etdik”.
ƏSƏD SEYİDOV
Digər xəbərlər
