“Turan Tovuz”un avrokuboklar uğrunda şansını dəyərləndirməsi üçün indiyə qədər müraciət etdiyimiz mütəxəssislərin ortaq fikri belə olub:

Həqiqətən belədi və klub rəhbərliyi də bu fikirlərlə razıdı ki, artıq yeni futbolçuların transfer edilməsi məqsədilə işlərə start verilib. Kollektivin, daha doğrusu, baş məşqçi Kurban Berdıyevin ilk hədəfi isə Anton Kraçkovskidi. Mahaçqala “Dinamo”sunda top qovan futbolçunun tezliklə icarə əsasında komandaya qoşuldu. Əslində "bozqurd" sözügedən yarımmüdafiəçini birdəfəlik transfer etmək niyyətində imiş. Lakin klubu bu təklifi dəyərləndirmək niyyətində olmayıb. Səbəbi "Turan Tovuz"un idman və əməliyyatlar üzrə direktoru Səməd Nəsibovun dilindən eşidək:


Uzun sözün qısası, tovuzlular 22 yaşlı yarımmüdafiəçinin keçidi ilə bağlı Mahaçqala klubu ilə razılığa gəlib. Özü də məhz Berdıyevin istəyiylə. Göründüyü kimi, oyunçu “Dinamo”ya da 2023-cü ildə bu çalışdırıcının tələbi nəticəsində Qazaxıstan “Kayrat”ından keçib. Bəs Anton Kraçkovski kimdi? O, həqiqətən “Turan Tovuz”un hədəfə gedən yolunu hamarlaşdırmağa qadirdimi?

Aşağıdakı detallar sayəsində bu suallara cavab tapmağa çalışdıq.

Rusiyalı futbolçu ÇSKA akademiyasının yetirməsidi. Peşəkar karyerasına bu komandada başlayan orta sahə oyunçusu icarə əsasında “Kayrat”ın da formasını geyib. Ötən ilin yanvarında “Dinamo”ya keçib ki, burda bəxtinin gətirdiyini demək olmaz. Kraçkovski indiyə qədər Mahaçqala təmsilçisinin heyətində bütün turnirlər daxil olmaqla 18 oyun keçirib, 2 məhsuldar ötürmə verib. O, yeni mövsümdə 4-ü premyer-liqada, 3-ü ölkə kubokunda olmaqla cəmi 7 matça çıxıb. Elə “Dinamo”nu “Turan Tovuz”a dəyişməsinin əsas səbəbi də vurğuladığımız məqamdı.

Ümumiyyətlə, Kraçkovski cari “futbol ili” ərzində 397 dəqiqə meydanda olub. Sözsüz, formaya düşməsi üçün bir qədər vaxt lazım olacaq. Düzdü, futbolçu ampluaca mərkəz müdafiəçisidi. Lakin hücumameyilli yarımmüdafiəçi kimi xüsusiyyətlərə də malik olması baş məşqçi üçün manevr imkanı yaradır.

Hər halda, Berdıyev indiyə qədər bu mövqelər üzrə Xəyal Nəcəfov, Veysəl Rzayev, Kristian da Silva, Alexandro Serrano kimi futbolçuların xidmətindən yararlanıb. Bəlkə də mütəxəssis mövsümün ikinci yarısı üçün proqnozlaşdırılan gərgin oyunlarda 35 yaşlı Silvanın yox, 22 yaşlı Kraçkovskinin xidmətindən faydalanmaq niyyətindədi. Bu öz yerində...

O başqa məsələ ki, Antonun ölkəmizdəki futbol mühitinə və ab-havasına uyğunlaşmaq üçün vaxtı çox olmayacaq. O bəllidi ki, oyunçu geridə qalan ili ürəyincə keçirməyib. Görünür, Berdıyev ya ona “dirilik suyu içirməli”, ya da mövsümün irəliləyən həftələrində eşidəcəyi tənqidlərə hazır olmalıdı.

KƏNAN BAHADIR