''Superkuboku qazanmaq bizim üçün yeni bir hədəfdi. Ötən mövsüm kubokda finala yüksəlsək də, qalib gələ bilməmişdik. ''Real''ı məğlub etməyə çalışacağıq. Həm bizim üçün, həm də fanatlarımız üçün çox önəmli bir qarşılaşmadı. Dünyanın ən güclü futbolçularına qarşı oynayacağıq. Mən də oyuna xüsusi köklənəcəm. Təbii ki, ''Real'' favoritdi. Amma futbol sürprizlərlə doludu. Ötən mövsüm La Liqada hər iki oyunda ''Real''a 0:1 hesabı ilə uduzmuşduq. Antonio Rüdiger çox sərt və güclü müdafiəçidi. Ona qarşı oyunda nəyəsə nail olmaq və ya qol vurmaq istəyirsənsə, bir an olsun rahatlaşmamalısan və əlindən gələni etməlisən. Rüdiger dünyanın ən güclü müdafiəçilərindən biridi. Amma mən də artıq ötən ilki Larin deyiləm. Bu mövsüm çox yaxşı formadayam və özümə güvənirəm. Ona görə də inanıram ki, bu dəfə hər şey fərqli olacaq. Ötən mövsüm başqa sistemlə oynayırdıq. Topu özümüzdə saxlamırdıq. Amma məşqçi dəyişikliyindən sonra oyunumuz dəyişdi. Muriqi ilə birlikdə daha çox oynamağa başladım. Məhsuldarlığmız da artdı. Məşqçinin mənə güvəndiyini hiss edirəm. Bəzi oyunçular təzyiqdən qorxur və qaçır. Amma mən heç vaxt təzyiqdən qorxmamışam. Mən bir neçə il ''Beşiktaş''da oynamışam. Ora bəlkə də dünyada ən böyük təzyiqin olduğu yerdi. Bəzilərinin buna alışması üçün vaxta ehtiyacı olur. Amma mən əksinə təzyiq altında özümü daha yaxşı hiss edirəm. Hər zaman Didye Droqbanın böyük heyranı olmuşam. Premyer-liqada oynamaq uşaq yaşlarımdan ən böyük arzumdu''.