“Yerli futbolçularla bir neçə gündü məşqlərə start vermişik. Amma Zaqataladan kənarda olanlarla yanvarın 10-dan etibarən kollektiv məşqlərə başlayacağıq. Nəzərimizdə iki və ya üç yoldaşlıq görüşü keçirmək var. Amma konkret anlaşdığımız klub yoxdu. Komandadan heç kim getməyib, çalışırıq ki, heyəti qoruyub saxlayaq. Əlavə oyunçu cəlb etmək də maliyyədən asılı olacaq. Klub rəhbərliyi bizə belə şərait yaratsa, hansısa transferə baxa bilərik. “Qəbələ”, “İmişli” və “Karvan” yaxşı və geniş komanda qurub. İmkanları var, çempionluq uğrunda mübarizə aparırlar. Biz də ilk “üçlük” üçün mübarizə aparırıq. Amma bizim də müəyyən qədər imkanlarımız var ki, ondan kənara çıxa bilmirik”.