İstanbulun iki nəhəngi ''Qalatasaray'' ilə ''Fənərbaxça'' arasındakı amansız rəqabət Türkiyə çərçivələrini də aşıb.

''Football-plus.az'' xəbər verir ki, məlum olduğu kimi hər iki komanda bu mövsüm Avropa Liqasının əsas mərhələsində iştirak edir və digərləri kimi onları da qarşıda son 2 oyun gözləyir. Avropanın klub turnirində gücünə görə ikinci hesab olunan bu turnirin rəsmi ''X'' (tvitter) səhifəsində dünən ''Qalatasaray''a aid paylaşım edildi.
Mövsümün ən diqqətçəkən oyunçularından olan və Avropa Liqasında bombardirlər yarışına başçılıq edən Yunus Akgünün şəkili paylaşıldı. Üstəlik şəkilin açıqlama bölümündə isə ''yenilməz və Türkiyə çempionatının zirvəsində'' ifadəsi yazıldı. Təbii ki, bu paylaşım ''Qalatasaray''lıların ürəyinə yağ kimi yayıldısa, ''Fənərbaxça''lıların narazılığına və etirazına səbəb oldu.

Etiraz dalğasının durmadan artdığını görən rəsmi səhifə bir neçə saat sonra ''Fənərbaxça''nın ulduzu Yussef Ən-Nəsirinin də qol sevincinin şəklini paylaşdı. Merakeşli hücumçu ''Hatayspor''a qarşı son oyunda (2:1) komandasının hər iki qolunun müəllifi olmuşdu.

ƏLİ