Həftəsonu baş tutacaq ''Qalatasaray'' - ''Beşiktaş'' derbisindən öncə iki nəhəng camiə arasında vəziyyət gərginləşib.

Buna ''Qalatasaray''lı Yunus Akgünün paylaşımı səbəb olub. Belə ki, Yunus ''Cim-Bom''un son turda səfərdə ''Antalyaspor''u məğlub etdiyi matçın ardından öz səhifəsində bir paylaşım edib. O, ''Qalatasaray''a həsr olunmuş ''Adanmış hayatların umudu'' bəstəsinin bir hissəsini paylaşıb. Amma həmin hissəyə ''Beşiktaş''a qarşı təhqiramiz sözlər də əlavə edilib. ''Beşiktaş'' əvvəlcə bu paylaşıma Mustafa Kamal Atatürkün ''mən idmançının ağıllı çevik, əxlaqlı olanını sevirəm'' sözü ilə cavab verdi.

Amma ''Beşiktaş'' yalnız bununla kifayətlənmək niyyətində deyil. Komanda məsələni rəsmi səviyyədə Türkiyə Futbol Federasiyasına daşımaq və Yunusun cəza almasına nail olmaq istəyir. TFF-nin Futbol İntizam Təlimatnaməsinin 41-ci maddəsində sosial şəbəkədə təhqiramiz paylaşım etməyə görə futbolçular üçün 2 oyundan 5 oyuna qədər cəza nəzərdə tutulub.

ƏLİ