Bir neçə gün öncə yaxın dostu Kərəm Aktürkoğlunun nişanında iştirak edən Yunus Akgün bu dəfə özü evlilik yolunda ilk addımını atıb.

''Football-plus.az'' xəbər verir ki, ''Qalatasaray'' və Türkiyə yığmasının üzvü sevgilisi Tuğçe Alacaya evlilik təklif edib. Bu hadisə onlar gəmi ilə gəzintiyə çıxarkən baş verib və hər ikisi də çəkilən şəkili öz səhifəsində paylaşıb.

Bu ikili artıq iki ildən çoxdu, birlikdədi. Tuğçe Alaca populyar sima olmadığı üçün onun haqda məlumat demək olar, mövcud deyil. Bu xanım Yunus ötən il ''Lester''də oynayarkən də tez-tez İngiltərəyə yollanırdı.

24 yaşlı Yunus bu mövsüm ''Qalatasaray''ın ən diqqətçəkən oyunçularından biridi. Klubun öz yetirməsi olan və Kərəm Aktürkoğlunun ayrılmasından sonra daimi olaraq əsas heyətdə oynamağa başlayan Yunus baş məşqçi Okan Burukun etimadını doğrultmağı bacarır.

O, bu mövsüm iştirak etdiyi 23 rəsmi oyunda 10 qol, 6 məhsuldar ötürməlik diqqətçəkən performans sərgiləyib. Yunus artıq ''Real Sosyedad'', ''Benfika'', ''Everton'', ''Ayntraxt'' kimi klubların maraq dairəsindədi.

ƏLİ