Vircil van Diykin gələcəyi ilə bağlı məsələyə aydınlıq gəlib.

Böyük Britaniya mətbuatının məlumatına görə, “Liverpul” rəhbərliyi komandanın kapitanı ilə danışıqlara başlayıb. Tərəflər müddəti 2028-ci ilin yayınadək nəzərdə tutulan yeni müqavilə imzalayacaqlar.

Van Diyk ilə “Real” yaxından maraqlanırdı. “Liverpul”un baş məşqçisi Arne Slot isə rəhbərliklə görüşərək Vircilin komandada qalmasını istədiyini bildirib. Bu, niderlandlı futbolçu ilə müqavilənin yenilənməsi prosesində önəmli rol oynayıb. 

33 yaşlı müdafiəçi 2018-ci ildən “Liverpul”un formasını geyir. O, ötən müddət ərzində 294 matçda meydana çıxıb, 25 qol vurub və 13 məhsuldar ötürmə edib.