Nəhayət, Vircil van Diyk gələcəyi ilə bağlı qəti qərara gəlib.

“Football-plus.az” xəbər verir ki, Böyük Britaniya mətbuatının məlumatına görə, 33 yaşlı müdafiəçi klubu ilə müqaviləsini yeniləmək istəyir. Niderlandlı futbolçu artıq klub rəhbərliyinə yeni müqavilə təklif olunarsa, danışıqlara açıq olacağı barədə xəbərdarlıq edib. Tərəflər arasında mövcud müqavilə 2025-ci ilin yayına qədərdi. Bir müddət əvvəl Səudiyyə Ərəbistanı klublarının Vircil ilə maraqlandığı haqda xəbərlər yayılmışdı.

Xatırladaq ki, o, ötən mövsüm bütün turnirlərdə 48 matça çıxıb, 4 qol vurub və 2 məhsuldar ötürmə edib.