Firmino gələcəyi ilə bağlı qərar verdi

Roberto Firmino “Liverpul”dakı gələcəyi ilə bağlı qərarını verib.

Böyük Britaniya mətbuatının məlumatına görə, 31 yaşlı hücumçu cari mövsümün sonunda “Liverpul”dan ayrılacaq. O, müqaviləni yeniləməyəcək və bu yay komandanı azad agent kimi tərk edəcək.

"Football-plus.az" xəbər verir ki, Braziliyalı futbolçu qərarını şəxsən baş məşqçi Yürgen Kloppa bildirib.

Firmino “Liverpul”da 2015-ci ildən oynayır. O, klubla 7 kubok qazanıb. Roberto cari mövsüm meydana çıxdığı 25 oyunda 9 qol vurub və 4 məhsuldar ötürmə edib.