“Hər iki tərəf də razıdı. Hələlik problem görünmür. Növbəti il mən hansı yaş qrupunda işləyəcəm, onun təlim-məşq toplanışları az, ya çox – bunları müəyyənləşdirib qərar verəcəyik. Yəni iki yerdə işləmək olar, yoxsa bir yerdə işləməliyəm. “Şəfa”dan gələn təklifi qəbul etməyimin başlıca səbəbi komandanın strukturudu. İş planları, gələcəyə yatırım istəkləri, planlı şəkildə hərəkət etmək fikirləri mənim diqqətimi cəlb etdi. Gələcəyimi bu klubda görürəm deyə təklifləri maraqlı gəldi. Qarşıma qoyulan hədəf komandanı birinci liqaya yüksəltməkdi. Hər işin öz çətinliyi var. Artıq transfer çalışmalarına başlamışıq. Biz də çalışırıq ki, komandanı həm cavanlaşdıraq, həm də 1-ci liqa təcrübəsi olan futbolçular cəlb edək. Heyəti gücləndirmək üçün çalışmalara başlamışıq. Planlarımı təqdim etmişəm. Sadəcə, həmin futbolçuların klubları ilə müqaviləsi var. Hələ də birinci liqa oyunları davam edir deyə, danışıqlara keçməmişik. Gözləyirik ki, oyunlar bitsin. Sonra oyunçularla bağlı transfer danışıqlarını başladacağıq. Ayrılan futbolçular mən müqavilə bağlamamış göndərilib. Hətta məndən öncə də müqavilə imzalanan futbolçular olub. Amil Yunanov və Bəxtiyar Soltanov ilə məndən öncə müqavilə imzalanıb. Ona görə müqavilə bağlandığı üçün bunların qarşısını ala bilmərəm. Belədə həmin oyunçular mənim də planlarıma daxildi. Heç bir problem yoxdu. Gedən futbolçularla bağlı da belə məsləhət görülüb”.