“Şəfa”da akademiyanın direktoru təyin olundum. Sözün açığı, “Şahdağ Qusar”a 1:7 hesablı məğlubiyyətlə bitən oyundan sonra danışdıq. Rəhbərlik birinci dövrədəki nəticələri normal qəbul etdi. Belə baxanda biz rəqibdən 5 xal geridə qalırıq. “Şahdağ Qusar” ötən mövsümdən komplektləşmiş komandadı. Yəni mənim işimi qənaətbəxş saydılar. Lakin özüm rəhbərliklə danışdım ki, səhhətimdə problemlər var. Ona görə məsləhət oldu ki, başqa vəzifə versinlər. Sağ olsunlar, məni akademiyanın direktoru təyin etdilər. “Şəfa” birillik klub deyil. Fikirləri var ki, Azərbaycan futboluna töhfə versinlər. Ona görə də məsləhətləşdilər ki, məni akademiyaya direktor təyin etsinlər və istedalı uşaqların yetişməsinə mən də töhfəmi verim. Özünüz də görəcəksiz ki, yaxın 5-6 ilə sözümüzü deyə bilərik, Azərbaycan futboluna yeni ulduzlar bəxş edəcəyik”.