Ueyn Runi üçün 2024-cü il arzuolunmaz sona çatıb.

“Plimut Arqayl” baş məşqçi ilə yolları ayırıb. İngiltərəli mütəxəssislə müqaviləyə qarşılıqlı razılaşma əsasında xitam verilib. Runi komandaya bu ilin may ayında təyin edilmişdi. “Plimut” onun rəhbərliyi altında 14 oyun keçirib və yalnız bir qələbə qazanıb. Komanda hazırda çempionşipdə 24 iştirakçı arasında sonuncu yeri tutur.

Maraqlıdı ki, futbolçu karyerası ərzində “Mançester Yunayted”də uğurlu çıxışı ilə yadda qalan Runinin məşqçilik karyerası uğursuz keçir. O, indiyədək çalışdırdığı 4 komandadan üçündən istefaya göndərilib. “Derbi Kaunti”dən öz istəyi ilə ayrılan Runi “Di Si Yunayted” (ABŞ) və “Birminhem”dən (İngiltərə) rəhbərliyin qərarı ilə ayrılıb.