Gün ötdükcə Sərgən Yalçının ''Beşiktaş''ın başına keçəcəyi ilə bağlı şayiələr daha da güclənir.

Çünki digər namizədlər belə desək, bir-bir sıradan çıxır. Şenol Günəşin qarşıdakı dönəmdə Cənubi Koreyaya yollanacağı gözlənilir. Nuri Şahin ''ağ-qaralar''ın təklifini geri çevirib. Yalçın isə daha öncə 2020/21-də çempion etdiyi öz doğma klubuna qayıtmağa hazırdı. Amma onun bir sıra şərtləri var. Türkiyə mətbuatının yazdığına inansaq, təcrübəli mütəxəssis ilk növbədə birillik müqavilə tələb edir.

Bundan başqa 51 yaşlı məşqçi köməkçilərini özü müəyyənləşdirmək istəyir. Eləcə də Sərgən rəhbərlikdən indiki heyətdən ən azı 9 futbolçu ilə yolları ayırmağı və ən az 6 yeni futbolçunun transferini tələb edib. Bu şərtlər yerinə yetiriləcəyi təqdirdə Sərgən 1 illik müqaviləyə imza atmağa hazırdı. Yalçın transfer məsələsinə xüsusilə həssas yanaşır. Onun fikrincə düzgün transferlər edilməsə, əzəli rəqiblərlə mübarizə aparmaq mümkün olmayacaq. Rəhbərlik hələ ki, bu şərtlərin üzərində baş sındırır. Son qərarı prezident Hasan Arat verəcək.

ƏLİ