Bukayo Saka ilə bağlı növbəti xəbər yayılıb.

“Arsenal”ın zədəli futbolçusu əməliyyat olunub. Bu barədə komandanın baş məşqçisi Mikel Arteta məlumat verib. O, İngiltərə premyer-liqasının 17-ci turunun “Kristal Pelas”la oyununda (5:1) sıradan çıxan 23 yaşlı hücumçunun təxminən 2 aydan çox oynaya bilməyəcəyini deyib.

Saka bu mövsüm premyer-liqada 16 matçda iştirak edib, 5 qol vurub və 10 məhsuldar ötürmə verib. O, həmçinin Çempionlar Liqasında meydana çıxdığı 5 matçda 4 qol vurub və 2 məhsuldar ötürmə edib.