“Arsenal”da yeni müqavilə gözlənilir.

"Football-plus.az" xəbər verir ki, İngiltərə klubu Bukayo Saka ilə bu mövzuda razılığa gəlib.

İnsayder Fabritsio Romanonun məlumatına görə, 21 yaşlı yarımmüdafiəçi tezliklə klubu ilə 5 illik müqavilə imzalayacaq. Saka ilə Avropanın bir neçə nəhəng klubu maraqlanır.

“Arsenal” isə onu heç yana buraxmaq istəmir və futbolçunu sözləşməni yeniləməyə razı salıb. Klubun yaxında yeni müqavilə haqda rəsmi açıqlama yayacağı bildirilir.

“Topçular”ın yetirməsi olan Saka əsas komandada 2018-ci ildən çıxış edir. O, bu mövsüm bütün turnirlərdə iştirak etdiyi 45 matçda 14 qol vurub və oyundaşlarına 11 məhsuldar ötürmə verib.