“56 komanda 4 zona üzrə yarışacaq” – AFFA Region Liqasının başlayacağı tarixi açıqladı
İndiyə qədər Region Liqasının başlayacağı tarix haqda fərqli xəbərlər dolaşırdı. “Xankəndi”nin baş məşqçisi İbrahim Uzunca bu barədə saytımıza danışarkən onda olan məlumatı bizimlə bölüşdü. Yəni yarışın yanvarın əvvəlində start götürəcəyini bildirdi.
Biz də bu barədə dəqiq bilgi əldə etmək üçün AFFA-ya sorğu ünvanladıq.
AFFA-nın “Footboll-plus.az”ın sorğusuna cavabı isə belə oldu:
“Bu il yarışı daha baxımlı, maraqlı etmək üçün formatda müəyyən dəyişikliklərin aparılması qərara alındı. AFFA Region Liqasının fevralın 2-də başlaması planlaşdırılır. Ümumilikdə 56 komandanın 4 zona üzrə - Paytaxt və Şimal, Şimal-Qərb və Qərb, Mərkəz, Cənub - mübarizə aparması nəzərdə tutulur”.
RÖYANƏ OĞUZ
Digər xəbərlər
